33.
| 1 | Item recitatum est: « Solum potentem, omnium iudicem. |
| 2 | » Palladius dixit: « Omnium iudicem Filium Dei. |
| 3 | Est qui dat, est qui accipit. |
| 4 | » Ambrosius episcopus dixit: « Per gratiam dedit, an per naturam? Et hominibus datur iudicium. |
| 5 | » Palladius dixit: « Patrem maiorem dicis, an non? » Ambrosius episcopus dixit: « Postea respondebo tibi. |
| 6 | » Palladius dixit: « Ego tibi non respondeo, si non respondes mihi. |
| 7 | » Eusebius episcopus dixit: « Nisi impietatem Arii ex ordine damnaveris, interrogandi non tibi dabimus facultatem. |
| 8 | » Palladius dixit: « Non tibi respondeo. |
| 9 | » Ambrosius episcopus dixit: « Filius Dei, sicut lectum est, iudex est, an non? » Palladius dixit: « Si non respondes mihi, ego tibi, ut impio, non respondeo. |