Orosius, Historiae, Liber 4, Caput 11

monumenta.ch > Orosius > Orosius, Historiae, Liber 4, Caput 11
Orosius, Historiae, Liber 4, 10 <<< >>> 12

Caput 11 HIDE LINKS TO MANUSCRIPTS

1 Tunc Carthaginienses praecipiti festinatione ad Lutatium consulem ac deinde Romam mittunt: orant pacem, quam condicionibus ante propositis ilico consequuntur. 2 condiciones autem erant, ut Sicilia Sardiniaque decederent proque inpensis bellicis puri argenti tria milia talentum Euboicorum aequis pensionibus per annos viginti penderent. 3 huius pacis condicio habita est post annum tertium et vicensimum, ex quo bellum Punicum primum fuerat inchoatum. 4 Quis, rogo, duarum civitatum unum bellum per annos tres et viginti gestum fando explicet, quot reges Carthaginiensium, quot consules Romanorum, quot agmina exercituum, bsb65382.243 quantum numerum bke1009.65v navium contraxerit profligarit oppresserit? et tunc demum, si illa ad plenum perpensa videantur, de praesentibus iudicetur. 5 bnf9665.82 bmv545.47 r Anno ab urbe condita DVII repentina subversio ipsius Romae praevenit triumphum Romanorum; neque enim temere dixerim, quando non vel modicam laetitiam Romae superveniens repente quam gravissimus luctus oppresserit. 6 siquidem Q. Lutatio Catulo A. med6535.63 v Manlio consulibus diversae ignium aquarumque clades paene absumpsere urbem. nam Tiberis csg621.153 insolitis auctus imbribus et ultra opinionem vel diuturnitate vel magnitudine redundans omnia Romae aedificia in plano posita delevit. 7 diversae qualitates locorum ad unam convenere perniciem, quoniam et, quae segnior redunbnf4871.39 rdatio tenuit, madefacta dissolvit et, quae cursus torrentis invenit, inpulsa deiecit. 8 aquarum gravissimam cladem gravior ignis secuta vastatio est; qui ignis, incertum bsb65382.244 unde surrexerit, plurimas civitatis partes pervagatus cum hominum domorumque miserabilem stragem fecit tum etiam tantum opum uno consumpsit incendio quantum plurimae et peregrinae victoriae conferre non possent. 9 dehinc cum omnia in circuitu fori popularetur, aedem Vestae corripuit et ne sibi quidem dis subvenientibus ignem illum, qui aeternus putabatur, temporarius ignis oppressit; unde etiam Metellus, dum arsuros deos eripit, vix bracchio semiustilatus aufugit. 10 T. Sempronio Graccho C. Valerio Falcone consulibus cum Faliscis bellavere Romani, eoque proelio quindecim milia Faliscorum interfecta sunt.