Victricius Victricius, De Laude Sanctorum, 1, 9, 2 Si cui vilis ista comparatio videbitur, in hoc accipiat maiestatis esse, non erroris, quod divinis corruptibilia, quod magnis parva collidimus. Primordia quae generis sunt expertia, nesciunt definiri. Inclinata substantia Deitatis in se suae similitudinis retinet dignitatem. Nec qualitas, nec quantitas reperitur, cui Trinitas possit aequari.