Thomas de Aquino ST I-II 34.1.2 Praeterea, illud quod fugit virtuosus, et prosequitur deficiens a virtute, videtur esse secundum se malum, et fugiendum, quia, ut dicitur in X Ethic., 'virtuosus est quasi mensura et regula humanorum actuum'; et apostolus dicit, I ad Cor. II, 'spiritualis iudicat omnia'. Sed pueri et bestiae, in quibus non est virtus, prosequuntur delectationes, fugit autem eas temperatus. Ergo delectationes secundum se sunt malae, et fugiendae.