Thomas de Aquino ST I-II 9.2.1 Ad secundum sic proceditur. Videtur quod voluntas ab appetitu sensitivo moveri non possit. 'Movens enim et agens est praestantius patiente', ut Augustinus dicit, XII super Gen. ad Litt. Sed appetitus sensitivus est inferior voluntate, quae est appetitus intellectivus; sicut sensus est inferior intellectu. Ergo appetitus sensitivus non movet voluntatem.