Solinus Solinus, Mirabilia, 47, 4 Hos terrarum ductus excipit Media, cuius arbor inclaruit etiam carminibus Mantuanis. Ingens ipsa et cui tale ferme quale unedonibus folium est; tantum eo differt, quod aculeatum spinulentis fastigiis hispida turgescat. Malum inimicum venenis, sapore asperum et amaritudinis merae, odoris autem fragrantia plus quam iucundum longeque sensibile.