Solinus Solinus, Mirabilia, 46, 16 In huiusce animalis genere aetas longior maribus: legimus sane equum ad annos LXX vixisse. Iam illud non venit in ambiguum, quod in annum tertium et tricesimum generant, utpote qui etiam post vicesimum mittantur ad subolem reficiendam. Notatum etiam advertimus Opuntem nomine equum ad gregariam venerem durasse in annos quadraginta.