Seneca Seneca, Epistulae, 62, 1 Mentiuntur qui sibi obstare ad studia liberalia turbam negotiorum viderivolunt: simulant occupationes et augent et ipsi se occupant. Vaco, Lucili, vaco, et ubicumque sum, ibi meus sum. Rebus enim me non trado sed commodo, nec consector perdendi temporis causas; et quocumque constiti loco, ibi cogitationes meas tracto et aliquid in animo salutare converso.