Plinius Plinius, Naturalis Historia, 8, 140 {LIX} in Baliaribus vero insulis cavaticae appellatae non prorepunt e cavis terrae - neque herba vivunt -, sed uvae modo inter se cohaerent. est et aliud genus minus vulgare adhaerente operculo eiusdem testae se operiens. obrutae terra semper hae et circa maritimas tantum Alpes quondam effossae coepere iam erui et in Veliterno. omnium tamen laudatissimae in Astypalaea insula.