monumenta.ch

Plinius Plinius, Naturalis Historia, 14, 9
{II} Vites iure apud priscos magnitudine quoque inter arbores numerabantur. Iovis simulacrum in urbe Populonio ex una conspicimus tot aevis incorruptum, item Massiliae pateram. Metaponti templum Iunonis vitigineis columnis stetit. etiam nunc scalis tectum Ephesiae Dianae scanditur una vite Cypria, ut ferunt quoniam ibi ad praecipuam amplitudinem exeunt. nec est lignoulli aeternior natura. verum ista ex silvestribus facta crediderim;

E-Mail Address (Optional)


SPAM Barrier
Please enter the following three letters into the field below