Ordericus Vitalis Ordericus Vitalis, Historia ecclesiastica, p2, p8, p11, 45 » Haec audiens, Hugo vehementer iratus est, et prae ira furibundus, sic suos affatus est: « Unde stolidum regem tanta invasit dementia ut mihi totis viribus illum adiuvanti mandaret talia? Normanniae principatum non concupivi, neque partem aliquam ab illo requisivi; sed ipse totam regionem citra Sequanam usque ad mare ultro mihi obtulit, auxiliumque meum ut indomitos piratas edomaret, poposcit.