Isidorus Isidorus, Sententiae, 2, 44, 3 Ieiunia fortia tela sunt adversus tentamenta daemoniorum. Cito enim per abstinentiam devincuntur. Unde etiam Dominus et Salvator noster eorum incursus ieiuniis et orationibus praemonet superare, dicens: Hoc genus non eiicitur nisi per orationem et ieiunium. Immundi enim spiritus ibi se magis iniiciunt ubi plus viderint escam et potum.