Ioannes Saresberiensis Ioannes Saresberiensis, Epistulae, 300, 9 Interim illi veteres amici domini Cantuar. et ecclesiasticae libertatis propugnatores, dominus Eboracensis, episcopus Londoniae et complices eorum, consilium inierunt cum publicanis, legatione transmissa ad dominum regem, ne praefatum Cantuar. in Angliam redire pateretur, antequam renuntiaret legationis officio, et restitueret ei universas litteras, quas emeruerat ab apostolica sede, et repromitteret se regni iura inviolabiliter servaturum, ut sub obtentu cautionis huius ad observantiam consuetudinum arctaretur.