Ioannes Saresberiensis Ioannes Saresberiensis, Epistulae, 300, 6 synodus celebranda, in qua me vices absentis archiepiscopi gerere oportebat. Cum itaque praeter spem, et contra bonam opinionem, et bonas promissiones domini regis, sic omnia turbata reperissem, ut de pace nostra et de reditu archiepiscopi desperaretur ab omnibus, et me tanquam in carcere positum agnovissem, vultu hilari et animo constanti Cantuariam petii, ubi a clero et populo cum magno honore et quasi angelus Domini receptus sum, fidelibus iam ex adventu meo meliora sperantibus, eo quod eis persuasum erat quod me nullo modo archiepiscopus praemisisset, si non esset in brevi secuturus.