Ioannes Saresberiensis Ioannes Saresberiensis, Epistulae, 285, 22 In secundo vero regum colloquio, postquam diu refutaverat et iuraverat se litteras apostolicas non recepturum, tandem commonitus a suis, praefatas comminatorias a religiosis viris qui ad hoc missi erant petiit et accepit. Longum erit referre quot et quam varia sibique repugnantia responsa dederit; qui versibilitate merito videbatur ipsum Protea superare.