Hildegardis Abbatissa Hildegardis Abbatissa, Visiones, 2, 6, 231 Cum in fetore immunditiae vestrae Dominum Deum vestrum tangitis, sicut porcus in stercore margaritas contaminat: tunc coeli iniquitatem vestram suscipientes, ultionem iudicii mei in voluntate mea super terram emittunt. Nam cum vera iustitia et cum divina lege populum meum praecedere deberetis in bonis operibus ei lucentes, ita ut idem populus meus gradiens post vos pedem suum in nulla offensione contereret; sed vos aliquando maiore iniquitate populum meum contaminatis quam vel ipse se contaminet in quo malum et pessimum exemplum in vobis habet.