Hildegardis Abbatissa Hildegardis Abbatissa, Visiones, 2, 6, 70 Sed et hoc miraculum ideo facies, ut etiam sanguis eiusdem Unigeniti tui qui ad salvationem animarum effunditur, laetificet interiorem vim hominum, id est animas eorum in remissionem peccatorum ipsorum. Quomodo? Quia ut prius Filii tui corpus pro redemptione humani generis in cruce oblatum est: ita etiam et nunc caro et sanguis eius ad salutem credentium in altari consecrantur.