monumenta.ch > Eusebius Caesariensis Hieronymus Stridonensis > sectio 6 > Psalmi, 20 > bnf2607.137 > Isaias, 39 > bnf7900.46 > bnf12590.244 > 68 > uwbM.p.th.q.1a.268 > 18 > sectio 1 > sectio 572 > bnf16234.53 v > 22 > bnf8562.72 > bnf2607.47 > bnf8071.33 > 62 > Lucas, 16 > sectio 61 > sectio 35 > bnf8562.49 > 51 > sectio 19 > bnf5129.92 > bnf12097.181 > sectio 2 > sectio 211 > sectio 10 > bnf5840.171 > bnf7240.31 > bnf8631.22 > Caput > 24 > sectio 3 > 53 > 11 > 60 > sectio 19 > Ioannes, 10 > 87 > uwbM.p.th.f.69.120 > bnf8071.50 > bnf9341.321 > 2 > 56 > sectio 16 > sectio 29 > Psalmi, 138 > bnf8631.20 > bnf8562.76 > bnf2607.87 > bnf12590.208 > 184 > bnf5129.11 > bnf12590.239 > 41 > sectio 2 > bnf2607.127 > bnf5696.6 > bnf11947.58 v > 85 > sectio 4 > sectio 77 > bnf9389.445 > bnf16234.71 v > 2 > bnf16234.75 v > sectio 351 > 57 > bnf8562.81 > bnf6286.25 > sectio 537 > sectio 183 > 4 > bnf10439.252 v > sectio 8 > 73 > bnf4895.18 > sectio 646 > 47 > sectio 746 > sectio 10 > bnf5129.108 > bnf2607.30 > sectio 25 > bnf7900.74 > bnf2607.112 > sectio 43 > sectio 814 > 1 > bnf2607.17 > sectio 40 > sectio 3 > 20 > bnf5512.51 > Isaias, 60 > sectio 47

Hieronymus Hieronymus, Epistulae, 3, 65, 22
'Memor ero nominis tui in omni generatione et generatione. Propterea populi confitebuntur tibi in aeternum, et in saeculum saeculi.' In Hebraico: 'Recordabor nominis tui in omni generatione et generatione. Propterea confitebuntur tibi populi in saeculum et in aeternum.' Quod nos interpretati sumus, 'confitebuntur tibi,' Symmachus transtulit, 'laudabunt te.' Regina, quae steterat a dextris regis in vestitu deaurato, et iussa fuerat oblivisci populi et domus patris sui; et iterum illi dictum erat: 'Pro patribus tuis nati sunt tibi filii, constitues eos principes super omnem terram,' intelligens quanta decoranda sit gloria, et quibus praemiis sublevanda, convertit ad sponsum voces suas, et pollicetur recordaturam se semper nominis sponsi, in omni generatione et generatione. Quod promisit, videmus expletum. Ipsa Christiana nobis omnibus Christianorum nomen imposuit: nomen novum, in quo 'benedicentur omnes familiae gentium.' Recordatur autem non in una generatione, sed in omnibus: vel cunctas significans nationes, vel duas generationes, Iudaeorum atque Gentilium. Et quia hoc parum est, si in duabus generationibus nominis Domini recordetur, propterea populi qui in Ecclesia fuerint, confitebuntur et laudabunt Dominum in aeternum et in saeculum saeculi. Quando et tu, o filia Principia, sanctorum mixta choro, inter virgines duceris ad regem, et ex domibus eburneis delectabis sponsum in honore tuo: tunc recordare et mei, qui huius Psalmi tibi, Domino revelante, intelligentiam tribui, et dicito: 'Memor ero nominis tui;' ut quae partem intellexisti carminis, si vita comes fuerit, et totum Canticum Canticorum intelligas.

E-Mail Address (Optional)


SPAM Barrier
Please enter the following three letters into the field below