Hieronymus Hieronymus, Commentarii, in Amos, 2, 4, 41 Morimur autem peccato, quando mortificamus membra nostra super terram, fornicationem, immunditiam, luxuriam, idololatriam et reliqua. Legimus in Isaia, dumtaxat iuxta Septuaginta interpretes: alioquin in Hebraico aliter continetur: Misi mortem in Iacob, et venit super Israel. Iacob, vocabulum est nascentis corporis; Israel, nomen benedictionis.