Hegesippus Ps Hegesippus Ps, Hegesippi qui dicitur Historiae libri 5, 4, 1, 3 Dextra laeuaque praeruptis circumcisa rupibus, ad summum artatur, a fronte absciditur profundo hiatu, in posteriora aliquantum diffunditur, ab ea quoque parte angusto difficilique accessu ut caudae simile iter iudices ad urbem meantibus; a summo uertice collum in inmensum extendens ut arcem tamquam caput praeferat atque in sublimem erigat altitudinem exilis a principio et tamquam sinuato cliuosis anfractibus solo atque in profundum demerso, deinde quasi tenontem quendam ceruicis medio attollens, cetera praerupta atque inuia.