Alcuinus Alcuinus, de Dialectica, 12, 5 A. Sunt enim aliae propositiones argumentorum hypotheticae, id est, conditionales. C. Quomodo conditionales? A. Quibus conditio aliqua supponitur; et sunt duplices, hoc modo, ut Omnis homo, si bonus est, iustus est; ita tandem iustus est homo, si bonitatem habet. Item: Coelum, si rotundum est, volubile est; ita tandem volubile est, si rotundum est.