monumenta.ch

Ambrosius Ambrosius, Expositio Evangelii secundum Lucam, 6, 60
Et primum illud consideremus quod suscitaturus mortuam, ad faciendam fidem haemorrhousam ante curavit. Et ut scias exempli gratia stetisse sanguinis fluxum: dum illa petitur, ista curatur. Sic et resurrectio temporalis in Domini passione celebratur; ut et perpetua illa credatur. Sic et Mariae paritura sterilis indicatur; ut conceptura virgo credatur. Denique audivit parituram Elizabeth, nec de sua generatione dubitavit.

E-Mail Address (Optional)


SPAM Barrier
Please enter the following three letters into the field below