Ambrosius Ambrosius, Expositio Evangelii secundum Lucam, 5, 37 Quid vero evidentius quam quod in Achimelech domo quinque panes petit David, et unum accipit (Ibid., 3 et 6): demonstrante typo quod iam non quinque libris, sed Christi corpore cibus fidelibus pararetur; ut Christus corpus assumeret, ne quis de fidelibus esuriret? Nec Doech figura vacat, qui erat custos mulorum (Ibid., 7); eo quod nemo alius nisi infructuosi gregis custos Iudae typum proditoris impleret.