Hrabanus Maurus Hrabanus Maurus, Martyrologium, 8, 29 IV KAL. In Venusio, civitate Apuliae, natale Felicis episcopi civitatis Tubrozensis, et Ianuarii presbyteri, et Fortunatiani et Septimini, lectorum, qui temporibus Diocletiani in sua civitate tenti a Magnelliano procuratore XVIII Kal. Iulii, inde multis diu vinculis et carceribus macerati, et in Asia, et in Sicilia, tandem in occisione gladii consummati sunt. Natale sanctae Sabinae martyris. Eadem die celebratur decollatio sancti Ioannis Baptistae, qui primo in Samaria conditus, nunc in Alexandria: porro caput de Ierosolymis ad Phoenicis urbem Emissam delatum est.