Gregorius Magnus Gregorius Magnus, Epistolae, 9, 109, 13 Curam vero et sollicitudinem eiusdem synodi, quam fiendam decrevimus, fratri coepiscopoque nostro Syagrio, quem vestrum proprium novimus specialiter delegare curavimus; quem petimus ut et supplicantem libenter audire et ope iuvare dignemini, quatenus quod ad mercedem vestram respiciat, remoto huius mali contagio, in cunctis finibus iuri vestro subiectis pia et Deo placita procedat ordinatio sacerdotum.