Gregorius Magnus Gregorius Magnus, Epistolae, 5, 57a, 2 Quanta in vobis bonitas, quantaque mansuetudo cum Christo placita charitate resplendeat, latore praesentium Augustino servo Dei referente comperimus; atque omnipotenti Deo gratias agimus, qui haec in vobis pietatis suae dona concessit, per quae inter homines valde laudabiles, et ante conspectum ipsius, quod est veraciter utile, gloriosi possitis existere.