Petrus Blesensis Petrus Blesensis, Epistulae, 40, 7 Nam, teste Iacobo: Si quis putat se religiosum esse, non refrenans linguam suam, huius vana est religio. Vir linguosus non dirigetur in terra. Lingua siquidem modicum membrum est, totiusque corporis gratiam plerumque contaminat. Nec sperandum est, quod ab ulla turpitudine se cohibeat, qui immunditiam linguae non refrenat.