Ambrosius Ambrosius, De Officiis Ministrorum, 3, 6, 43 Legisti quemadmodum hunc frumentarium pretii captatorem exponat in Evangelio Dominus Iesus, cuius possessio divites fructus attulit, et ille quasi egens dicebat: Quid faciam? Non habeo quo congregem, destruam horrea, et maiora faciam; cum scire non posset, utrum sequenti nocte anima sua ab eo reposceretur. Nesciebat quid faceret: quasi ei alimenta deessent, haerebat ambiguo. Non capiebant horrea annonam, et ille se egere credebat.