Cassianus Cassianus, Collationes, 2, 17, 27, 2 Denique numquam rationabiles ac probatos patres duros aut irrevocabiles in huiusmodi definitionibus fuisse reminiscimur; sed velut ceram calore solis, ita eos ratione mollitos, et intercedente salubriore consilio melioribus partibus sine haesitatione cessisse. Quoscumque autem vidimus definitionibus suis pertinaciter inhaerere, irrationabiles semper probavimus ac discretionis expertes.