Cassiodorus Cassiodorus, Institutiones, 2, 3, 107 Rursus aliquando nomen subiectum est, oratio praedicatum, hoc modo: Socrates de philosophiae ratione pertractat; hic enim Socrates solus subiectus est; oratio vero, quam dicimus, de philosophiae ratione pertractat, praedicatur. Evenit etiam ut supponatur oratio, et simplex vocabulum praedicetur hoc modo: Similitudo cum supernis divinisque substantiis, iustitia est; hic enim oratio per quam profertur similitudo, cum supernis divinisque substantiis subiicitur; iustitia vero praedicatur.