Cassiodorus Cassiodorus, Institutiones, 2, 3, 102 Quoniam igitur aliae propositiones praedicativae sunt, aliae conditionales, praedicativarum partes terminos appellamus. Hi sunt praedicativus atque subiectus. Terminos autem voco verba et nomina quibus propositio nectitur; ut in ea propositione qua dicimus: Homo iustus est: haec duo nomina, id est, homo et iustus, propositionis partes vocantur.