Cassiodorus Cassiodorus, Institutiones, 2, 1, 43 Item prima coniugatio, quae indicativo modo, tempore praeterito, specie absoluta, adiecta ad imperativum vi syllaba, manente productione terminantur; ut commeo, commea, commeavi; lanio, lania, laniavi; satio, satia, satiavi. Eodem modo, eodem tempore, specie inchoativa, adiecta ad imperativum modum in bam syllaba terminantur: ut commea, commeabam; lania, laniabam; aestua, aestuabam.