Cassiodorus Cassiodorus, Institutiones, 2, 1, 42 Primae coniugationis verba indicativo modo, tempore praesenti, persona prima, aut in o littera nulla alia praecedente vocali terminantur, ut amo, canto; aut eo, ut commeo, calceo; aut io, ut lanio, satio; aut uo, ut aestuo, continuo. Primae coniugationis verba imperativo modo, tempore praesenti ad secundam personam in a littera producta terminantur: ut amo, ama; canto, canta; infinito modo ad imperativum modum, in re syllaba, manente productione, terminantur: ut ama, amare; canta, cantare.