Cassiodorus Cassiodorus, Institutiones, 1, 33, 1 Praesta, Domine, legentibus provectum, quaerentibus legem tuam peccatorum omnium remissionem; ut qui desiderio magno ad lumen Scripturarum tuarum pervenire cupimus, nullis peccatis caligantibus obscuremur. Attrahe nos ad te virtute omnipotentiae tuae; non relinquas sua voluntate vagari quos pretioso sanguine redemisti.