Cassiodorus Cassiodorus, Institutiones, 1, 16, 3 Cuius si pietatem quaeris, audi breviter comprehensam: Adiutor in opportunitatibus, in tribulatione. Si patientiam, ausculta: Et quis resistit potestati tuae? Si iustitiam, lege: Quia iudicabit orbem terrae in aequitate. Nam et ubique esse totum Deum manifestissime declaratur, dicente Psalmographo: Quo ibo a spiritu tuo, et a facie tua quo fugiam?