Cassiodorus Cassiodorus, Historia Ecclesiastica, 5, 33, 7 Is enim conversatione digna etiam daemones effugabat. Quodam namque tempore dum aliquis daemonio vexaretur, evaginato gladio coepit per totam discurrere civitatem; cunctisque fugientibus, occurrens ei solus, et nominans Christum, sermone mundavit virum, et fecit ab illo furore quiescere. Inter cuius diversa virtutum ornamenta, etiam hoc meminisse convenit.