Cassiodorus Cassiodorus, De Anima, 12, 11 Sic provenit semper quod libeat, quando non erit quod poeniteat. Vacabimus ibi (si tamen munere Creatoris concedatur) non torpore desidiae resoluti, sed ad gratiam perfectionis intenti. Sensus noster complebitur puritate mitissima: tranquillum erit omne quod volumus. Sine cogitatione sapiemus, sine errore sentiemus. Malum iam nec ab alio capietur, nec extra voluntatem generabitur.