Cassiodorus Cassiodorus, Historia Gothorum, 45, 2 Maximus vero fugiens, a quodam Urso milite Romano interemptus est. Post quem iussu Marciani imperatoris Orientalis, Maiorianus Occidentale suscepit imperium gubernandum. Sed et ipse non diu regnans, dum contra Alanos, qui Gallias infestabant, movisset procinctum, Dertonae iuxta fluvium Ira cognomento occiditur. Cuius locum Severus invasit, qui tertio anno imperii sui Romae obiit.