Cassiodorus Cassiodorus, Historia Gothorum, 20, 1 Hoc in omni lascivia resoluto, Respa et Veduco, Thuro Varoque duces Gothorum, sumptis navibus, Asiam transiere, fretum Hellesponticum transvecti: ubi multis eius provinciae civitatibus populatis, opinatissimum illud Ephesi Dianae templum, quod dudum dixeramus Amazonas condidisse, igne succendunt; partibus Bithyniae delati, Chalcedoniam subvertere, quam post Cornelius Avitus aliqua parte reparavit.