Cassiodorus Cassiodorus, Historia Ecclesiastica, 1, 11, 27 Iniusti parentes alicuius a cane rabido percussum filium et pene mortuum obtulerunt ei, et eiulantes deprecabantur ut sanaretur. Tum ille ad eos: Non eget, inquit, mea curatione; sed vos si vultis reddere bovem quem rapuistis dominis suis, aegrotus repente sanabitur; quod etiam contigit. Nam ut restitutus est bos, passio mox recessit a puero.