Cassiodorus Cassiodorus, Historia Ecclesiastica, 1, 11, 4 Patientiam, mansuetudinem, mediocritatem in omni vita meditatur; et quantum naturae humanae possibile est, Deo esse vicinum, velut in transitu utens praesentibus: neque circa possessionem rerum occupata constringitur, neque ultra quam opus est in praesenti providere forsan urgetur. Semper autem simplicitatem et exercitium huius instructionis laudans, beatitudinem contemplatur aeternam, et ad felicem terminum omni vivacitate festinat.