Cassiodorus Cassiodorus, Historia Ecclesiastica, 1, 10, 11 Cum itaque collecta celebraretur, iniunctum est Triphyllio ut faceret sermonem ad populum. Cumque ille locus venisset ad medium, Tolle lectum tuum, et ambula, cubile dixit pro lecto, mutans nomen; Spiridion autem indignatus in eum, et exsiliens de cathedra sacerdotali: Tu melior es, inquit, eo qui lectum dixit, quia eius verbis uti confunderis?