Cassiodorus Cassiodorus, Historia Ecclesiastica, 1, 9, 13 In figurationibus autem solidorum et in imaginibus hoc signum iussit inscribi semper et figurari, ut testantur hactenus eius imagines hoc schemate decoratae. In omnibus siquidem rebus, praecipue tamen in legislationibus, studebat placare Divinitatem. Apparet enim luxuriosas et valde fatuas permixtiones ante eum non prohibitas, tunc fuisse correctas, sicut ex ipsis quas posuit legibus invenitur.