Cassiodorus Cassiodorus, Historia Ecclesiastica, 1, 8, 2 Super haec autem pugnaturus denuo contra Constantinum, spem victoriae habebat per divinationes et sacrificia, et seductus ab aliquibus promittentibus quia bello vinceret Constantinum, in paganitatem conversus est. Denique etiam Graeci dicunt tunc eum expertum divinationem Mileti Geminique Apollinis, eique consulenti de bello, respondisse daemonium per hos Homeri versus: O senex, valde te iuvenes pugnatores observant, Tuaque vita soluta est, saevaque te senectus excipiet.