Cassiodorus Cassiodorus, Historia Ecclesiastica, 11, 3, 2 Contra quos universos tam clericos quam iudices provinciales armabat, et praecipue Agapitum eorum turbabat episcopum. Cumque iudices provinciae ad inferenda tormenta sibi sufficere non putaret, Constantinopolim est profectus ut praefectorum solatia mereretur. Ibique posito Theodosio propter huiusmodi causam, Agapitus Macedonianorum episcopus ad meliorem se contulit partem; habitoque tractatu cum omni clero, et evocans totum populum sibimet subiacentem, suasit eis ut consubstantialitatis susciperent fidem.