Cassiodorus Cassiodorus, Historia Ecclesiastica, 6, 44, 7 Et declinans ab eo vultum, adolescenti dixit: Ego tui curam habeo: quoniam patri tuo, ut hoc faciat suadere non possum. Haec itaque non frustra retuli, sed volens ostendere non solum illius mirabilis viri fiduciam; sed quoniam contempta Iuliani a plurimis sit potestas. In Antiochia namque vir quidam optimus, paedagogus adolescentium, habitabat. Eratque illic famosissimus sophista Libanius, impius, exspectansque Iuliani victoriam, habens prae oculis eius minas.