Cassiodorus Cassiodorus, Historia Ecclesiastica, 6, 44, 3 Non enim Socrates, licet Critias fuerit appellatus, et Pythagoras Phalaris, ex mutatione nominis qualibet sunt peste participati; neque Nereus Thersites vocatus, naturalem pulchritudinem quam gerebat amisit. Horum nihil mente percipiens, ex hac appellatione aliquid monstri se nobis putavit inferre. Et fallaci responso credens, interminabatur per ecclesias daemonum se statuere simulacra. Post has igitur minas, ab uno viro in Beroea debellatus est.