Cassiodorus Cassiodorus, Historia Ecclesiastica, 6, 22, 5 Sed quoniam sapere perdiderunt, propterea persecutione decipiuntur; et quaerentes occidere, suam non contemplantur impietatem. Nam si derogant eis qui fugiunt, quaerentes occidere; quid faciant cum vident Iacob fugientem Esau fratrem suum, et Moysen in Madian descendisse propter Pharaonis timorem? Quomodo satisfacient fugienti David Saul, qui in domum misit ut interimeret eum, dum absconsus fuisset in spelunca, et mutasset vultum suum, donec declinaret ab Abimelech, ob quam causam inimicorum evasit insidias? Quid dicant isti qui omnia proferunt petulanter, videntes maximum Heliam in oratione quidem mortuum suscitasse; et tamen absconsum propter Achab, et fugisse propter insidias Iezabel?