Cassiodorus Cassiodorus, Historia Ecclesiastica, 8, 15, 1 Porro Valens imperator cum tricesima die Maii mensis sexto consulatu suo, et Valentiniani iunioris secundo, Constantinopolim venisset, invenit populum in moestitia constitutum. Barbari namque per Thracias discurrentes, etiam Constantinopoleos suburbana vastabant, non existente qui eis resistere fortiter praevaleret.