Cassiodorus Cassiodorus, Historia Ecclesiastica, 3, 10, 1 Igitur dum post concilium Hierosolymitanum Arius venisset in Aegyptum, Alexandrina Ecclesia eius evitante communionem, rursus venit ad Constantinopolitanam urbem, concurrentibus illic consectatoribus eius, et obedientibus Eusebio Nicomediensi episcopo, et concilium celebrare volentibus. Horum studium sentiens Alexander tunc Constantinopolitanus episcopus, nisus est solvere tale conamen.